«Павлодар қаласының білім беру бөлімі» ММ жанынан құрылған педагогикалық еңбек ардагерлерінің қоғамдық кеңесінің бірінші отырысы өтті.

Республиканың басқару органдары жанындағы қоғамдық кеңестер Қазақстан Республикасының Оқу-ағарту министрлігінің бастамасымен құрылды, олардың көпшілігі ұзақ жылдар бойы облыстық білім беру жүйесінде еңбек етіп, қоғамдық кеңес мүшелерінің бай тәжірибесін пайдалана отырып, білім берудің өзекті мәселелерін шешуде мемлекеттік органдарға көмек көрсетеді.

«Павлодар қаласының білім беру бөлімі» ММ жанынан құрылған педагогикалық еңбек ардагерлерінің қоғамдық кеңесін педагогикалық еңбек ардагері, Қазақстан Республикасының Білім берудің құрметті қызметкері, Павлодар қаласының білім беру бөлімінің бұрынғы басшысы Мукашева Зауреш Куантаевна басқарады.

Кеңес құрамына 12 педагогикалық еңбек ардагері кіреді, олардың ішінде мектеп, мектепке дейінгі және мектептен тыс ұйымдардың басшылары, білім бөлімінің қызметкерлері.

Кеңестің бірінші отырысында маңызды мәселелердің бірі – балалардың құқықтарын қорғауды, олардың өмірі мен денсаулығының қауіпсіздігін қамтамасыз етуді талқылады.

 «Павлодар қаласы білім бөлімінің қорғаншылық және қамқоршылық секторының балалардың құқықтары мен заңды мүдделерін қорғау жөніндегі қызметі» туралы ақпаратпен сектор меңгерушісі сөз сөйледі.

Мәселені талқылауға № 18, 24, 40, 41, Қ. Мақпалеев атындағы мектеп басшылары қатысты.

Кеңес мүшелерін аз қамтылған және көп балалы отбасылардың балаларына көмек көрсету, жетім балаларды баспанамен қамтамасыз ету, тұрмыстық зорлық-зомбылықтың алдын алу, ата-аналарды жұмыспен қамту, балаларды АРТ-спорт арқылы үйірмелер мен секцияларға орналастыру мәселелері қызықтырды. Қаланың әлеуметтік қорғау органдарымен, ювеналдық полиция және басқа да мемлекеттік органдармен өзара іс-қимыл жасау бөлігінде жұмысты жақсарту бойынша нақты ұсыныстар берілді.

Білім беру бөлімінің басшысы Кыдралин Куаныш Толегенович Қоғамдық кеңес мүшелерімен кездесті. Бірлескен жұмыс жоспары бекітілді. Кеңес өз жұмысын жалғастырады.